陳楚喬（Carolyn）日前在寵物店買了一隻迷你玩具貴婦狗，她說：「最初擔心係一時衝動，唔敢買佢返嚟，但諗咗一晚覺得自己係有責任感嘅主人，所以第二日去買佢返嚟，仲幫佢改咗名叫Burger。」她表示與Burger十分合拍：「每次我做完嘢返屋企，佢竟然識得拎拖鞋畀我，我之前都冇教過佢。」
此外，Carolyn覺得愛犬甚有音樂細胞，當她每天在家中練琴時，Burger會倚着鋼琴旁聆聽，她說：「佢好似我Fans，我一彈琴佢就靜靜地咁聽，郁都唔郁。」Carolyn透露Burger為她帶來作曲靈感：「有時返到屋企好攰，見到Burger乜都唔記得晒。」
