陳鍵鋒、鄭欣宜和蘇民峰日前為森美、小儀主持的新節目《千奇百趣》錄影，大玩遊戲，勁估各樣希奇趣怪的事物。期間落敗的要接受大懲罰，被二百磅重的「肥妹」「責」，最終蘇民峰和陳鍵鋒齊齊接受懲罰，被「責」到嘩鬼叫，十分搞笑！

陳鍵鋒（左）和蘇民峰玩遊戲落敗，慘被200磅肥妹折磨！	欣宜被千奇百怪的問題難倒。	小儀（左起）、蘇民峰、欣宜、陳鍵鋒和森美錄影《千奇百趣》。

事後陳鍵鋒表示首次被二百磅肥妹「責」，感覺很重，皆因對方毫不留情地坐在他的大髀上，他說：「都未死得嘅，頂得住，只係『責』到對腳有啲痹，其實之前都唔知有咁嘅懲罰，所以一啲心理準備都冇，但係都好搞笑。」

迷上海底世界

陳鍵鋒雖然落敗，但他仍死撐自己是一個好奇的人，名副其實的「問題少男」，還表示經常被身邊朋友指他煩：「我個人一向都好八卦，乜都追問一餐，成日畀啲朋友話我煩。最近我就迷上海底世界，好鍾意潛水，因為海底世界好寧靜，畀人一種好鬆弛嘅感覺，而且海底世界仲畀人好神秘嘅感覺，所以我好想去探索一下。」