樂壇天王Leon最近為咗工作頻頻轉新裝，先後變身乞兒、鬍鬚Look等等，不過佢嚟緊會喺紅館舉行演唱會，當然唔會繼續污糟啦！Leon為咗操得更Fit，早喺兩個幾月前已經度好晒時間表，每日起碼做2粒鐘運動，除咗打網球之餘，最近佢仲趁住夏天向大海出發，大玩水上運動，好似滑浪風帆、獨木舟咁，練到周身刀、張張利！

黎明成功起帆，甚有滿足感！

黎明得戚地豎起倒轉手指公，取笑助手包尾。

笑助手包尾

講番第一次試玩滑浪風帆當日，雖然天氣麻麻，風向又唔穩定，Leon經導師指導都起唔到帆，仲不斷反艇，好彩最後都畀佢嘅意志克服，成功揚帆！Leon話：「初初係有啲狼狽，不過辛苦都係值得嘅！」佢仲玩埋獨木舟，即場撩助手比賽，結果當然由Leon勝出，仲要係遠遠拋離嗰隻，真係厲害！童心未泯嘅Leon仲豎起倒轉手指公，笑助手淨係識打圈，睇嚟助手真係要跟Leon學習吓喇！