鄧麗欣（Stephy）和吳雨霏（Kary）昨日現身師弟小肥的音樂會記者會，親手炮製兼餵食「特色」啤酒辣味刨冰，雖然味道難頂，但小肥仍頂硬上接受。他自嘲若性感演出必定嚇親觀眾，除非場地變成豬肉檔，但Kary卻大爆小肥有腹肌：「佢成日靜靜雞去操！」
對於有傳將被唱片公司叮走，現向他大派「定心丸」是否安心？小肥表示向來知道是謠言，Stephy更力撐他說：「不嬲都知道小肥最多騷！」對於好友側田被拍得翻撻「少女版楊千嬅」曾雪華，小肥說：「係咩？冇問佢。（山頂撐枱腳？）咁豐富？（冇預你？）正常都唔會啦！等我問吓個衰仔先。」除Stephy和Kary外，側田及唐素琪亦會擔任音樂會嘉賓。
