炎夏將至,一眾女星已急不及待換上淺色衣裳,自己涼快時旁人亦睇得透心涼!星級形象指導Celia大讚何超儀氣質滿瀉!
何超儀 典雅大方 8分
「簡單得嚟典雅大方!佢好少咁着,幾得意幾特別,又凸顯到佢嘅氣質!我最鍾意人敢於嘗試新Look!不過條裙可以短少少,令對腳長啲同埋個人Young啲!」
蔣怡 穩陣之作 6.5分
「穩陣之作,花衫襯白褲白鞋,幾夏日沙灘Look。不過襯得太絕有啲娘娘哋!我建議佢改着啡色Vintage短Boots,牛仔Look會型啲!」
王菀之 有欠清涼 6分
「冇乜特別!Basic少女風格!佢其實可以唔使着對黑襪,夏天可以清涼少少,佢咁着唔係太Match天氣狀況。」
焦媛 清爽舒服 7.5分
「佢咁着冇乜特別大問題!夠清爽同望落舒服。雖然係素色但有Layering,有啲Style,唔錯唔錯!」
泳兒 上下失衡 6分
「上半身OK!下半身格仔褲襯波鞋就怪怪哋!條褲冬天咗啲,改襯Boots嘅話會Rock啲!」
Celia Profile
香港著名形象設計師Celia(黃欐堯),畢業於大一藝術設計學院,早年創立時裝品牌DaDa Girl,08年推出處女作《魔法衣櫃》,教授女士穿衣之道。