港姐佘詩曼、陳茵媺與林莉前晚錄影《美女廚房》的「港姐特別版」，阿佘請來媽媽幫手，但佘媽媽幫手時不經意露出鑽戒，鄭中基不禁說：「阿伯母隻鑽戒好閃喎！阿佘真孝順！」在媽媽協助下，阿佘其中一道菜取得滿分，反觀陳茵媺在趙永洪協助下炸臭豆腐，臭味傳遍錄影廠！

放大圖片	關婉珊代替王淑玲做美味天使。

王淑玲突然被飛

期間，佘媽媽大方接受訪問，她透露女兒曾代表學校參加烹飪賽，還奪得優異獎，問到是否不擔心她嫁不出？佘媽媽說：「唔擔心，就算唔係都有工人！（催過婚？）唔使催，依家女人唔使靠男人養！（鍾意鄭嘉穎？）我冇睇呢啲嘢，阿女啲劇都少睇，亦冇見過鄭嘉穎，唔會問個女啲感情事。」事後阿佘亦說：「阿媽唔睇我啲劇，係唔鍾意睇到我畀人糟質。（佢話你可以養自己，唔使擔心？）點止養自己，養埋佢添！」

此外，「美味天使」之一的王淑玲突然被飛，由「四葉女」關婉珊頂上。記者向監製錢國偉查證，他只着記者詢問藝員部，製作資源部總監樂易玲指是拍攝檔期問題，另有安排。