前晚一連兩場的《峯．情無限LET'S GET WET演唱會》假紅館舉行，舞台為三面台設計，左右兩方建有天橋伸向觀眾席，方便林峯和歌迷接觸，而台邊設有水池，準備隨時玩水濕身。

身穿銀色閃爆西裝的林峯，與女舞蹈員跳辣身舞，更邀得泳兒任嘉賓合唱。

泳兒

45度傾斜「舞」難度

貴為英皇力捧歌手及無綫愛將的林峯，獲英皇娛樂行政總裁吳雨及英皇娛樂唱片及藝人管理部總監霍汶希捧場，其他嘉賓還有鄭欣宜、洪卓立、吳卓羲及曾傳過緋聞的佘詩曼等，但緋聞女友鍾嘉欣已事先張揚缺席。

染了金啡色頭髮的林峯，以閃爆造型登場，林峯與六名女舞蹈員跳舞，還擺出傾斜45度角的高難度甫士，跳到大汗淋漓的他不停的抹汗，首踏紅館舞台的他更緊張得口窒窒：「其實呢個個唱，好多人問我係咪開得太快，我都覺得快咗啲，不過我會把握機會，做到最好。」引得台下Fans嗌爆喉嚨，更有男歌迷上前獻花。

接着泳兒與林峯合唱，至於嘉賓之一的王祖藍亦明踩場說：「王祖藍處男個唱正式開始。」還將林峯的《愛不疚》其中一句歌詞改為「出街買豉油放狗……」王祖藍更向林峯的緋聞大逼供：「你靚仔冇乜用，要好似我咁多女朋友先有用，我有JJ（賈曉晨）……好似你咁出道到依家，只得三個女朋友鍾嘉欣、鍾嘉欣、鍾嘉欣。」林峯只懂傻笑回應。