甚少性感的李詩韻早前為纖體公司拍廣告，以多個性感造型示人，可算是她入行六年來最Sexy一次，原來詩韻密實有因：「我一向對自己嘅身材都冇信心，唔係苗條型，由細到大都周身肌肉，所以唔敢性感，比較暴露嘅Job都唔會接，今次係突破！（三點式？）選完港姐後都未再着過，三點式係我底線。」拍攝時有不少工作人員在場，令詩韻頗緊張，她說：「我唔係着三點式嘅材料，所以多多錢都唔會拍！（要緋聞男友鄧健泓通過？）點解要問佢呀？工作嘅嘢只需要問經理人。（(口靚)模當道，唔性感咪輸蝕？）大家行嘅路唔同，我係做戲型，唔想人只睇我身材。」