在電影《色，戒》中嶄露頭角的湯唯，雖然其後遭內地封殺，但無礙其事業發展。已正式成為香港人的她，最近小試牛刀拍攝首部港產片，無論廣東話或英語亦算流利，盡顯語言天分，但她仍向小小So謙稱「有待磨練」。
湯 唯：呢排好開心，同張學友、鮑起靜拍戲，可以學好廣東話。
小小So：嘩！你啲廣東話已經講得好好。
湯 唯：我仲係覺得自己講得唔好，真係唔好意思。
小小So：係就係唔係好純正，但起碼我哋都聽得明。
湯 唯：有啲好地道嘅廣東話，我唔識講，所以好多時收工都唔走住，聽多啲佢哋講嘢。
小小So：咁你都幾好學，祝你早日成功。
湯 唯：其實我仲有另一個目的，就係唔走等食消夜，哈哈！