08/06/2009

播放本新聞相關短片

Sun Ball:周麗淇買開篷車回味舊情

本文重點
周麗淇自爆最愛坐開篷車拍拖,認為浪漫又便宜,即使被吹到披頭散髮仍無損興致,更計劃豪擲50萬元購買一輛全新的開篷車,重溫昔日浪漫!

周麗淇(Niki)日前與劉心悠、譚凱琪及Ana R.等出席汽車活動,早已考取車牌的Niki表示,很享受駕駛的感覺:「有時揸車出去兜吓風都幾舒服,尤其係坐開篷車,如果坐住開篷車拍拖仲浪漫,以前都試過,但千祈唔好化行妝同Set晒頭去,試過吹到個頭亂晒,好掃興!(係咪同鄭嘉穎?)唔係呀!」她還自爆最近開通宵寫書,以致睡眠不足,面上生粒粒。

劉心悠恨做媽咪

同場的劉心悠則表示,最近忙於在高雄拍攝新片,飾演臨盆在即的孕婦,十分過癮!她說:「扮大肚婆好得意,搞到我好想生BB,想體會做媽咪嘅感覺。(諗住幾時生?)唔想Set定一個時間,如果到時做唔到就會失望。(做未婚媽咪?)希望唔會啦!我想畀個完整嘅家庭小朋友。(有咗即刻結婚?)都要對方肯先得,結婚同生BB要兩個人一齊計劃。」

譚凱琪則透露曾經撞車,所以對駕駛有陰影,笑言最好有男友接載。另外,對於舊愛丁子高最近與楊千嬅傳婚訊,她笑說:「一直話係6月,睇埋今個月咪揭曉囉!」

名人組