林子祥（Lam）的個唱前晚舉行尾場，過氣情侶鄭伊健和梁詠琪（GiGi）分別捧場，是兩人分手三年後首度同場，GiGi在媽咪陪同下坐53段，伊健則坐64段，無論台前和後台均緣慳一面，而其他捧場嘉賓還有周慧敏、朱玲玲和羅康瑞。
表演嘉賓側田黐鬚扮阿Lam，兼自稱是Super Mario，當兩人合唱《數字人生》時，年屆61歲的阿Lam證明薑愈老愈辣，輕易唱贏對方，側田更因唔夠氣而唱到彎腰，最後認衰說：「冇氣！」
愈唱愈起勁的阿Lam，唱《我愛你》時望着在控制台的老婆葉蒨文（沙麗），十分甜蜜，可惜沙麗卻沒有上台獻唱。完騷後兩人齊齊出席慶功宴，因阿Lam喉嚨不適，由沙麗代他發言，還取笑老公：「問咩佢都係點頭或擰頭㗎喇！（點解你唔上台？）都冇位畀我上。（阿Lam對你唱情歌？）咩呀，傻嘅！（兩晚都喺控制台支持，粉碎婚變傳聞？）無論傳聞點，每次都會喺控制台。」