陳見飛與葉翠翠昨日於奧海城為內衣品牌Lytess示範塑身內衣。陳見飛表示將往馬來西亞支持弟弟陳冠希（Edison）的新店開幕，更力撐他的「無限期復出論」：「一年前我已經知佢係無限期，當時有啲報紙寫佢係Forever，其實係寫錯，但嗰陣有咁多嘢發生，所以先冇解釋，由得佢。」她還指「無限期復出」的說法是公平的，因不會閂自己後路。對於有指Edison返港是為父親「撲水」，她表示不知情：「就算佢哋傾過我都唔清楚。（阿嬌話佢道歉太遲？）No Comment！佢有權想點諗就點諗。（細佬同女友關係？）Really Good，佢哋感情穩定！」
同場的葉翠翠示範內衣時卻收起性感，頻頻以短褲及外套等遮掩，只肯露出纖腰，她說：「多衫係公司安排。（男士送內衣？）咁尷尬！冇收過，我鍾意買內衣同泳衣，加埋有100套。」