何超儀（Josie）與陳子聰婚後雖甜蜜恩愛，超儀還不時大讚老公體貼又聽話，日前更拍拖往谷祖琳開設的糖水店撐枱腳。當日兩人甫到達，心情大靚的超儀即點了不少糖水，與老公有傾有講，但當陳子聰拿出一些文件給太太過目後，只見超儀一臉不悅，現場氣氛突然風雲變色！Josie邊睇邊講，不時指指點點提出意見，更愈講愈激動，手舞足蹈兼面色愈來愈難看，其後還不慎碰跌水杯，相當狼狽。老闆娘谷祖琳見「勢色唔對」，立即上前充當和事老，企圖驅散「火藥味」。不過，兩夫婦繼續一人一句各持己見，爭持行徑令其他客人亦為之側目。

甜蜜嗒嘢：超儀與老公陳子聰邊吃糖水邊傾工作。	躁火上升：超儀對着文件狀甚不滿，還邊講邊手指指。	橫掃千軍：谷祖琳上前做和事老不果，超儀更發火掃跌糖水。

突然間，Josie嬲爆爆站起身拂袖而去，更因動作太大而不慎把枱上的糖水掃落地上，激動地離開現場。由於事出突然，現場頓變得鴉雀無聲，陳子聰與谷祖琳均看至目瞪口呆，來不及反應之際，Josie已失去影蹤。陳子聰想收拾地上的糖水，又想埋單趕往「追妻」，一時間顯得相當狼狽。

拂袖而去：超儀怒氣沖沖拂袖而去，嚇得陳子聰不知所措。

慌張尋妻：陳子聰慌忙地當街追妻，一會便消失於人群中。

陳子聰連忙尋妻

谷祖琳見狀示意他不用心急埋單，先「追妻」收拾殘局為重，陳子聰立即於街頭拔足狂奔「尋妻」。事後記者致電何超儀，問到為何大發脾氣，超儀透過公司發言人回應：「佢哋嗰陣睇緊《維多利亞壹號》嘅印刷品，因為效果同超儀嘅想法好唔同，但子聰係監製就覺得冇問題，所以大家先拗咗幾句啫！」

據悉，超儀對首次投資的新片《維多利亞壹號》相當着緊，由籌備到拍攝過程均一絲不苟，壓力因而大增。身為電影監製的陳子聰亦十分體諒嬌妻，落手落腳幫手分擔宣傳工作，相信今次她發火是因與老公在宣傳方式方面意見不合，應該不會影響夫妻感情！