有荷里活鑽石王老五之稱的佐治古尼，去年中與侍應出身的Sarah Larson分手後，月前到邁阿密拍攝新片《Up In The Air》時，經友人介紹下搭上任職侍應的新歡Lucy Wolvert。二人4月底被拍到撐枱腳後與友人夜蒲，當晚身穿黑色緊身短裙的Lucy，盡興過後與佐治返酒店。翌日中午時分，Lucy被目擊穿着同一條裙單獨離開酒店，有目擊者透露：「佢紮起咗把長髮，成個人都神采飛揚，而且笑容非常燦爛，所有人都畀佢吸引！」

拍拖兩月 火速同居

有知情者爆料，48歲的佐治與23歲的Lucy相差25載，已拍拖約兩個月，男方完成拍攝工作後，經常為見女友而洛杉磯、邁阿密兩邊走。雖然愛得如膠似漆，但亦擔心向來熱愛單身生活的佐治，最後會傷了Lucy的心。據知，佐治曾叮囑新歡要將戀情保持低調，但Lucy卻經常與友人提起戀情，又大讚男友是君子，懂得如何對待女性，更自爆將會搬到男友位於洛杉磯的寓所，展開同居生活。不過，亦有人擔心戀情因女方口多而很快玩完！

另外，演員工會與資方的合約問題，自去年起遲遲未能達成協議，而佐治與湯漢斯等巨星則呼籲12萬會員，下周二就新方案投贊成票，好讓事件告一段落。