黃貫中（阿Paul）同黃家強兩位Beyond成員，早年因為一個小誤會搞到兄弟決裂，經過時間嘅沖淡，兩兄弟最近先至和好如初，嚟緊佢哋仲會一齊舉行演唱會添！而前排，小小So就見到阿Paul同家強上咗電台宣傳，今次係佢哋冰釋前嫌後第一次一齊見記者，當日吸引好多傳媒到場採訪，但阿Paul依然Cool到爆，見記者影相仲特別擺出「怒睥」眼神，認真鬼馬！
小小So：你哋有偈傾，你哋啲歌迷一定好開心！
阿Paul：好多周刊見嗰排冇新聞就話我哋不和㗎啦！我唔出聲你哋又會話我哋唔妥！（然後擺出個Cool爆嘅怒睥樣讓傳媒影相）
小小So：笑吓啦！
阿Paul：我哋（指和家強）依家唔妥。
影完相後，阿Paul同家強第一時間衝出門口齊齊煲煙，話佢哋不和絕對冇人信啦，而且估唔到平時唧極都唔笑嘅阿Paul，都有調皮同幽默嘅一面！