昨日王菀之（Ivana）接受電台訪問，DJ以她和張敬軒的緋聞搞噱頭，用電腦將兩人的相片合成BB相，但卻遭Ivana嫌棄BB的眼睛似軒仔，她笑說：「眼似我好啲，我係東方眼，好多人猴住，佢出名monchichi眼，唔係幾好。（想幾時生BB？）好難講幾多歲，諗結婚先。」此外，Ivana將於本月18日踏入女人三十，她透露已收到哥哥的大利是：「夠我開盛大生日會，今年30歲要大搞，我想揀充滿童真嘅地方慶祝，邀請圈內圈外朋友出席，我都有請軒仔，佢話要睇檔期。（願望？）希望明年喺紅館開演唱會，已經入紙申請。」