樣子甜美、身材索爆的羽翹，今個夏天將加入寫真集戰團！日前她到沙灘大晒香肩長腿，以性感甜姐兒造型俘虜男粉絲，為其水着寫真作預告！
羽翹喜歡與陽光玩遊戲，但又擔心被太陽伯伯「錫到燶」，所以每次去沙灘一定會做足防曬準備，她說：「我好享受畀陽光曬住嘅感覺，不過因為太舒服，我又鍾意聽住歌嚟曬，搞到次次都瞓着咗曬過龍，好在我有狂搽太陽油，先不至於『燒焦』咋！」
遇「股」怪泳客
此外，羽翹向少女推介沙灘指定裝束：「其實泳衣加露肩裙已經好靚又方便，除咗條裙就即刻可以曬太陽同游水。」未知是否太誘人？羽翹經常遇到騎呢泳客，她說：「試過有次同朋友去曬太陽，有個肌肉男，全程都用個屁股對住我哋，仲不停搽太陽油同騷肌肉，真係好得人驚！」
原來羽翹家中有逾十套三點式，顏色鮮艷的幼帶掛頸款式最合她心水：「如果有條裙仔就最好，可愛得嚟又有啲性感！早排去沙巴影寫真，公司幫我借咗啲比較貴嘅泳衣，原來價錢平貴真係有好大分別！平嗰啲承托力冇咁好，一落水個胸會散晒，但係貴嘅就可以包得實啲，買泳衣真係同買Bra一樣！」
爭做書展吸金女王
不少女星都趁書展這個黃金檔期推出性感寫真，各師各法，勢要登上「吸金女王」寶座！
羽翹Profile
出生日期：1985年8月5日
身 高：167cm
體 重：104磅
三 圍：34、25、36
主打歌曲： 《港大女生》、《待你差只想你怕》