名模Gaile、陳嘉容、姚書軼、Amanda S.、Lisa S.、Ana R.及Cara G.等，前日出席由Jocelyn與丈夫Anthony發起、為尼泊爾街童籌款興建學校的晚會。Gaile捐出親自上油的單車作拍賣，但無意叫男友黎明投回：「本來諗住捐出嚟畀尼泊爾啲老師或者學生踩，依家攞嚟拍賣都冇所謂。我都想去尼泊爾或者其他落後地方探訪，我都考慮助養番個！（同男友一齊？）Why Not！」

Lisa S.（左）與Ana R.姊妹情深，見面即互攬。	樂基兒為善最樂，望與黎明一同助養小朋友。	Jocelyn（左五）舉行慈善晚會，圈中好友支持。

Amanda有愛有性

而Amanda S.則希望成立基金幫助別人，自小已當義工的她，曾到「母親的抉擇」照顧小孩，對於時下女生早熟，Amanda坦言性教育很重要：「依家好難叫啲女仔保守，因為睇戲同雜誌都講到性！我媽咪好保守，嗰時佢叫我唔好有（婚前性行為），但爸爸就明白依家唔係50年前，所以都叫我要小心，同肯定個男仔係愛我先得。」另外，Gaile昨日擔任Coach模特兒，對於有指黎明將來不想子女入行，以免成就超越自己，Gaile表示男友只是出於關愛，擔心子女捱苦才有這個想法。