陳偉霆 8分

Ricky：「佢咁着好新潮同有型，白色煲呔又好Sharp，着埋短褲加對格仔襪同黑鞋，好有日本潮流風格，成個Look玩味十足，值得一讚！」

官恩娜	楊思琦	藤原紀香

官恩娜 3分

Ricky：「佢個配搭好有問題，件腰封背心襯件恤衫好怪，條泡泡裙搞到下身好肥，對鞋又肉酸，好似黑色護士鞋，造型好恐怖、好Cheap！」

蔡卓妍、張敬軒

Ricky Profile： 入行已八年的郭慶彬（Ricky Kwok），主力從事廣告形象指導，曾幫樂基兒、熊黛林與林心如等執靚形象，又為鄭欣宜與張可頤等任形象設計。

楊思琦 3分

Ricky：「個黑色手袖好核突、好怪、好師奶！我寧願佢件衫係背心，冇咗個手袖！再加條黑色粗Belt仲好睇。」

藤原紀香 8分

Ricky：「配搭充滿夏日風情，畀人休閒嘅感覺，如果就咁着件黑白間長裙會好容易似睡衣，但佢識得用條紅色頸巾加埋頂紳士帽，即刻充滿星味！」

蔡卓妍 7分

Ricky：「白色娃娃雪紡衫襯埋今年潮爆嘅紮染牛仔褲，係好好嘅配搭，仲有加埋對黑色鬆糕鞋，感覺隨意得嚟又Fashion，令人好舒服。」

張敬軒 7分

Ricky：「西裝褸襯白褲係好穩陣嘅打扮，軒仔咁瘦着呢類窄褲好啱，仲有對高Boot好有Style，畀人感覺舒服又夠潮氣！」

（10分為滿分）