洪欣同未來老公張丹峰早前為「Zara Bride Wedding Gallery」飛去越南大叻同美奈影婚紗相，由Zara Bride嘅老闆Arden Chin親自操刀，影咗千幾張甜蜜又溫馨嘅靚相。

張丹峰與洪欣在馬車上取景，十足王子與公主。	洪欣與張丹峰去到邊啜到邊，認真甜到漏。	放大圖片

美食當前難忍口

雖然有瀑布、森林同法式風情等美景，但洪欣依然覺得美中不足，佢話：「囝囝要返學，同唔到我哋一齊影，佢之後睇番啲相，都問點解張張都唔見佢，仲要求以後去邊都要帶埋佢添！」講到拍攝趣事，佢話最驚喜係坐滑水艇：「有個拍攝地點要過咗一個激流先到，我哋坐住自己控制嘅滑水艇去，真係好刺激、好好玩！（有冇Keep Fit？）都有，仲特登去做Facial，但我太為食，見到當地嘅美食都忍唔到口！」

問洪欣決定咗蜜月地點未，佢即刻話最想帶埋囝囝一齊去：「地點仲未定，我哋幾時出發都得，依家睇吓可唔可以就埋囝囝。（揀邊張相放喺屋企？）花多眼亂呀！千幾張裏面，好難先揀出二百張，張張都好靚，所以未決定到！」