近日大批(口靚)模湧現娛樂圈，其中擁有35E「Big」爆身材的劉欣宜，最近頻頻以性感打扮示人，自然有很多機會與其他(口靚)模接觸，她大爆眾多新進「巨胸」女模中，有一位對工作人員態度奇差，令她睇到「眼火爆」，她感慨地說：「我覺得可能啲年輕一代覺得做Model容易搵錢，所以就忽略咗對人嘅態度，其實大家都係做嘢！就算幕前甚至幕後嘅工作人員都要受到尊重囉！」

瑤瑤	E Cup Baby暗指有新進嫩模對工作人員態度奇差。

問她是否指最近曾合作的33F「童顏巨乳」郭書瑤（瑤瑤）時，E Cup Baby即說：「梗係唔係啦！我同佢好啱傾，大家都行Cute嘅路線，又係有料之人，我仲想佢嚟香港發展比併吓添！（咁你係指邊個？）我唔講邊個喇！我只係對事唔係對人，所以唔想講咁多！」

椋名凜加把口爆料

在眾多新進模特兒中，以美少女廚神的鍾蕙芝（Lavina）及「日版Paris Hilton」椋名凜（Rin）的身材最為出眾，問到會否擔心成為嫌疑人物時，Lavina說：「我覺得唔係講我囉！我對個個人態度都一樣，唔識扮嘢！我份人可能有時有啲粗魯，同太爽直，令人誤會啦！」而Rin則表示Miyoko不是講她，她同時暗指有人態度差，但不願透露當事人姓名。

場地：沙田石門永得利中心　服裝：Rosebullet