陳冠希（Edison）受訪時穿上藍色西裝、花恤衫及墨綠色長褲，言談間頻頻說出「Well」、「Um」、「You Know」等助語詞，而且不斷捽眼、摸下巴、抖大氣，小動作多多。香港精神科醫學院代表李永堅醫生指他心情緊張：「佢啲小動作反映出佢講嘢時好緊張，好唔自然同埋好尷尬。『Well』、『Um』呢啲助語詞顯示出佢講嘢時唔係好肯定，心裏面經歷好多掙扎，可能係佢有啲想逃避，亦有可能係佢好驚其他人對佢所講說話嘅反應，所以有所保留。」另外，有線娛樂新聞台將張栢芝早前的訪問片段及Edison於CNN的訪問剪成一輯特備節目，並於今晚播出。