盛傳遭內地封殺的陳冠希密謀復出，但如意算盤未必打得響，多數製作人不抱樂觀態度，問到會否再跟他合作，大部分都耍手擰頭！
資深電影監製方平：「短期內冇呢個打算，要考慮形象問題、角色需要同過唔過到內地審批，完全係市場主導，當然都同當事人嘅悔意誠意有關！不過如果佢唔返港，事件會易啲淡忘，依家搞到咩都勾番晒出嚟，唔知點收科，要觀眾接受番佢，相信仲要好一段日子。」
電影公司老闆林小明及黃百鳴：「短期內未有計劃合作，暫時冇諗過。」
導演彭順：「有合適劇本都會考慮，不過都擔心投資方有顧忌，要計番成本，如果計過冇內地市場，會有影響。」