陳冠希最近返港後成為傳媒追訪對象，其契姐楊千嬅表示沒有看過他最新的訪問內容，但她直言與對方有電話聯絡，更讚他成熟了。提到Edison想返港發展，千嬅說：「佢都係想照顧屋企人，佢好孝順，我唔知佢幾時走，我好忙，又要錄音。（佢喺訪問度話曾喺外國沙灘喊？）當年發生事係好大困擾，過去咗要重新開始，好似柴九話齋，人生有幾多個十年。」問到覺得Edison應否返港？她說：「冇話應唔應該，人哋唔可以幫佢決定。（佢食言喎！）如果佢工作涉及公益慈善，都係履行緊佢諾言，我知佢喺外國都有做慈善嘢！」
向來對Edison寵愛有加的導演劉偉強昨日在節目訪問中力撐他成熟不少，坦言願做其磨刀石，合適時一定找對方拍戲，他又透露Edison會向導演夢進發。另外，在電台節目中指Edison與女友「好似分咗手」的區文詩（Angela）昨日說：「唔好意思，估唔到一句說話搞到咁大件事，以後講嘢會再謹慎啲，（喺邊度收到分手風？）唔想再講！」