陳冠希接受CNN訪問大談床照事件，節目於昨晚正式播出，早已昂然面對大眾的張栢芝卻一於少理，昨日帶同兒子Lucas一早起程往上海陪老公謝霆鋒開工，栢芝的經理人周小姐說︰「栢芝帶咗Lucas去上海，係突然決定嘅，會留喺上海幾日。」
至於鍾欣桐（阿嬌）有否留意該訪問？經理人霍汶希（Mani）代阿嬌回應：「佢根本冇時間理到呢啲嘢，佢喺香港都有自己嘅工作忙緊，星期五仲會出席古巨基澳門搞嘅加盟儀式。」對於陳冠希透露床照總數逾1,300張，Mani激動地說：「仲講呢啲數字做咩？根本冇人有興趣知，而且件事已經牽涉到好多人，冇必要再重提囉！」
另外兩位床照主角顏穎思和陳文媛（BoBo）雖然已重過新生活，但仍繼續沒有露面，顏穎思的花店雖如常開店，但卻不見老闆娘影蹤，至於BoBo位於北角、已裝修完畢的美甲店則整天落下鐵閘，仍未正式營業。