張震鍾情遊車河，全因在車內最有私人空間。身為Audi大使的他，從沒想過參加賽車：「我對速度感冇感覺、冇天分。」他揀車以實用為主，是安全駕駛者，即使被狗仔隊追亦不會「飛車」：「要照顧其他道路使用者，要注意安全，我唔會酒後揸車，太危險！（會唔會驚咗狗仔隊？）唔會，大家都係做嘢，只係私人生活唔想畀人知道，唔想畀人侵犯。」
另外，緋聞女友舒淇早前踢爆他身邊多辣妹，張震還以顏色地說︰「佢都幾辣，但我忙學功夫，朋友都見唔到。」正為《一代宗師》練武的他，開玩笑表示不知何時開拍︰「王家衛嘅戲，劇本喺佢個腦入面可能有。」
