已在模特兒界打響名堂的陳碧舸（Bonnie），昨日聯同劉丹及戴小奕等中國名模，於《海港城STYLE Model Hunt模特兒大賽》海報拍攝現場為一眾師弟妹打氣。一身夏日打扮的Bonnie透露，前日剛與朋友曬太陽：「上次同幾個女仔去，都有男仔走嚟搭訕，不過今次我哋好早去，所以個沙灘冇咩人。」她表示不敢在港裸曬，不過去到外國的天體營或會一試：「因為嗰邊冇人會着衫，如果着衫入去反而冇禮貌，但我仲未試過。（夠唔夠膽同男友喺沙灘親熱？）我未試過喺沙灘親熱，好熱呀！同埋成身太陽油會好黐立立，不過如果真係有男友，或者都會試吓，哈哈！」

參賽者Ruby高挑但肚有橙皮紋。	翻版葉翠翠Giann晒長腿。	翻版樂基兒Winnie則以熊黛林為目標。

同是模特兒比賽出身的Bonnie，看好兩位身材高挑的候選Model，讚她們上鏡及身材比例好。另外，劉丹和戴小奕因豬流感（H1N1甲型流感）肆虐，為免家人擔心，近月已甚少到歐美行騷，工作大多安排在香港和內地。問她們與男友親熱時會否擔心傳染病毒，她們異口同聲表示沒有男友。

James拒借Baby上位

此外，同場的男模James Parry早前與Angelababy傳緋聞，他不想靠緋聞上位，強調與對方只因工作見過三次，經理人Kim亦不會讓他追求對方。但他大讚Baby又Nice又斯文，亦希望像她一樣有機會到日本發展。