本文重點
陳奕迅（Eason）唱歌有口皆碑，歌聲之外，小小So覺得佢嘅衣着愈嚟愈出色，原來多得賢內助徐濠縈（阿徐）幫手！好多人都話阿徐使晒Eason啲錢，其實有邊個女人唔恨使老公錢先？小小So就覺得阿徐非常有智慧，因為佢Shopping Shop到幫老公做埋形象指導，難怪Eason錫到佢燶！
另類方法表揚Honey
唔似得好兄弟謝霆鋒咁高調講老婆，Eason揀咗另一種方法，就係着住老婆代理嘅潮物喺身，幾時都心繫Honey咁話！有次小小So撞到Eason，見佢企喺度都冇時停，原來佢着住一對個底有弧形嘅涼鞋：「對鞋好好㗎！舒服又防止寒背！」小小So八卦邊度有得買啦？佢細細聲講：「其實係我老婆代理嘅，不過我唔想幫佢賣廣告，咁Hard Sell！」唔怪得讚到天上有、地下冇，真係Sweet到暈！