日前湯盈盈、泳兒及陳偉霆等為慈善活動綵排跳舞，盈盈自爆扭傷左手，問到是否因勤於綵排所致？她說：「唔係，因為尋日喺圖書館抹咗8個鐘頭書，依家仲有15次，做咗49個鐘，喺嗰度畀自己靜吓反省吓，都係一件好事！」

陳偉霆做Rain嘉賓

對於早前被拍到買餸到緋聞男友錢嘉樂寓所煮飯仔，盈盈即時方寸大亂兼大耍太極，她解釋：「當日開大食會啫！」隨即又問身旁的助手是否駕駛她的座駕前往錢嘉樂寓所，場面搞笑！

此外，陳偉霆（William）與泳兒等前晚為同一慈善活動綵排歌舞劇，有板有眼！而William日前接受查小欣的《巴巴閉邊個夠我查篤撐》電台節目訪問時表示，將擔任韓星Rain的演唱會嘉賓，大感興奮，他更會為下月的拉闊音樂會積極綵排。