與(口靚)界女神Janice Man同屬一間模特兒公司的美少女廚神楊梓瑤（Carol）近日人氣急升，擁有34E豐滿身材的她，被不少電車男盛讚樣靚身材正，令她成為網絡紅人，大有機會接師姐棒，成為新一代性感口靚模！
正在浸會大學修讀副學士的Carol，在《美女廚房II》亮相後，即時受到網友熱捧，紛紛找尋她的資料及相集！原來Carol曾在去年動漫節中打低「E Cup Baby」劉欣宜成為《Bandai Girl》冠軍，早已是不少「龍友」心目中的女神。別以為Carol經常作性感打扮，必定會在學校成為「風頭躉」，她含羞地說：「我喺學校唔化妝㗎！所以冇咩人會認得我，係身邊幾個Friend啲嘅朋友知我做Model，其他人都唔知嘅！」
恨做型格打女
雖然Carol作風低調，回答記者問題時亦比較怕醜被動，但卻毫不吝嗇美好身段，只是仍然有點介意別人只着重其身材，她說：「其實我唔介意影健康嘅性感相，靚就得喇！除咗做嘢之外，我都好少咁性感，去沙灘我都唔會着Bikini嘅！我最想就係可以喺電影圈發展，最恨就係做打女，因為我覺得好型！」
對於有指自同公司的Janice Man工作量減少後，公司準備力捧她為接班人，Carol自言有點受寵若驚：「如果公司真係捧我，就梗係開心啦！拍完《美女廚房II》之後，都多咗好多Job，雖然我好少見Janice Man，但係如果可以好似佢咁高人氣，一定開心啦！」
Profile
姓 名：楊梓瑤（Carol）
年 齡：20歲
身 高：165cm
體 重：45kg
三 圍：34E、24、33
學 歷：浸會大學傳理系副學士Yr.1
Carol於07年12月才加入成為模特兒，入行短短年多，曾拍了幾個大型廣告，包括《恒生銀行》及《安信財務》等。去年在動漫節贏得《Bandai Girl》冠軍後，即被Janice Man所屬的模特兒公司Starz People睇中，簽她為Part-time模特兒。