劉偉強：我冇睇到佢點講，同埋未睇到佢CNN個訪問。（復出？）支持嘅，歡迎佢返來嘅！（有合作？）睇啱有合作計劃先啦！（張栢芝接受咗道歉？）開心嘅！事件冇人想發生，大家都好痛苦，唔應該糾纏落去！
湯 怡：大家應該向前望，復出？每個人都有權利！（唔止1,300張床照？）吓？可能係有，不過件事要平息，都過咗咁耐！
曾志偉：喺金融海嘯下，應該放陳冠希一條生路，畀佢喺香港發展，浪子回頭金不換！（唔止1,300張床照？）最緊要知錯能改，坐監出來嘅人都有機會改過，除非佢再犯啫！我第日開戲都想搵佢！
洪卓立：佢（Edison）有需要解釋，平息件事！希望佢唔好再壞電腦。（佢好高調？）佢太耐冇返嚟，成為咗焦點！
黃秋生：唔需要回應，睇番段片咪得囉！（贊成復出？）隨緣啦！佢做生意做得咁好，佢返嚟我會話好，不過佢冇同我講過話要返！（栢芝接受道歉？）好事，冤家宜解不宜結，係警方叫佢唔好聯絡啲女仔住！（栢芝叫各界畀啲空間？）佢哋唔係打家劫舍，乜嘢咁大件事呢？如果社會不斷搵人嚟祭，好悲傷！
白韻琴：我早就話陳冠希係醒目仔，唔會封自己後路，佢可以話3日或3個月後復出，又冇人用槍阻止佢，幾時復出都得！至於栢芝接受道歉？佢真係好大量，做人態度又好，大家會更歡迎同錫佢！