Sun Ball：明美連忙湊女無暇追仔

已故馬主明嘉福女兒明美連近年甚少出席活動，前晚她帶同四歲女兒出席好友何光鴻新書發布會，她表示現時專心湊兩名女兒，暫時未有追仔計劃。提起女兒，她雀躍地說：「大女依家四歲，比較靜啲，細女三歲就活躍啲，兩個女性格好唔同，有時都會嗌吓交，我做媽咪就負責調停。（追個仔？）想啲時間放喺兩個女身上，所以冇打算再生住。」

至於新書有兩成收益將撥捐智行基金會，智行基金會創辦人杜聰亦有捧場，他表示因有少少感冒，所以未能探望基金會慈善大使徐子淇：「我有同佢聯絡過，覺得佢精神好好，而且聲音充滿笑聲。」