本文重點
【本報訊】林峯早前宣布下月舉行一連兩場處男演唱會，成為無綫小生的「紅館第一人」。雖然被質疑唱歌資歷尚淺，但其實他從小已學習音樂，唱歌絕非玩票性質，還向歌迷承諾做一場Good Show。
近年無綫小生花旦相繼闖樂壇，當紅小生林峯亦於前年作歌、視雙線發展，期間曾推出的兩張唱片均口碑不俗，而新專輯亦快將面世。但最近卻突然被安排開個唱，令他大感意外，他更坦言初時以為只是舉行音樂會，但原來是個人演唱會，壓力即隨之而來，但他覺得既然公司與唱片公司均對信任他，故定必盡力配合。
「邊有人拍緊劇開騷」
近幾個月長駐深圳拍劇的阿峯，綵排個唱機會接近零，難怪他忍不住自嘲：「邊有人喺拍緊劇開騷㗎？」忙於拍劇的他日前抽空綵排個唱，他表示開騷時間愈近，愈擔心排練時間不足：「嘉賓除咗泳兒，仲會請阿 Sa（蔡卓妍）。」他還透露世界各地均有Fans來港捧場，包括美國Fans，雖然豬流感（H1N1甲型流感）肆虐當地，但他不擔心熱情Fans獻吻。
大學讀音樂唱歌劇
其實阿峯小時候已學習單簧管及結他，中學時又特地到上海跟一級歌唱家學習聲樂，大學時更修讀音樂系唱Opera，但由於拍劇佔去大部分時間，令他忍不住抱怨：「希望自己係個唔使瞓覺嘅人，咁就有充足時間完成手上工作。（依家開騷過早？）永遠都覺得自己未夠，『再過一排先啦！』，但呢刻已經唔係做唔做到嘅問題，而係一定要做到，所以我惟有用有限時間去強化自己，以最佳狀態去做一場Good Show畀一班鍾意我嘅人，其他嘢就交畀啲專業人士處理好啦！」
文：影視組
攝：司徒國榮