林敏驄與張達明這對搞笑能手，日前難得以Mark哥及蠱惑仔造型，拍攝馬會宣傳短片。向來鬼主意多多的阿驄，更不時臨場爆肚，幸好達明並未因此「中招」。由於拍攝期間天氣炎熱，二人又要穿着厚褸拍攝，為保持振奮狀態，達明與阿驄竟玩波仔打發時間，十分搞鬼。由於宣傳片內容與合法賭波有關，達明表示雖然不喜歡賭博，但卻大爆好友吳鎮宇是水魚王：「我平時都會同吳鎮宇、劉青雲同張家輝佢哋玩吓Poker，鎮宇係水魚王嚟㗎！因為佢太衝動，所以次次玩都輸咁滯。」
至於早前曾與趙碩之合作拍宣傳片的阿驄笑言，這次與達明合作很失望：「上次碩之嗰次幾開心，所以今次滿懷希望，睇吓同啲咩靚女合作，點知係張達明，可以話係美中不足同失望而回，哈哈！我講笑啫，我都好耐冇同達明合作，希望將來搵佢有啲新搞作。」