本文重點
新進女歌手李卓庭（Eunix）向來愛中性打扮，不過早前為新歌拍攝MV，轉變新形象，穿上Tube Dress化身甜姐兒，更請來口靚模Kama緋聞男友何尚謙（James）擔任男主角，兩人烈日下談情，擦出全新愛火花。
型格歌手Eunix早前為新歌《男孩一次》拍攝MV，由於歌曲講述女生如何從內心到身體領會男生感受，為配合內容，Eunix在MV中變身兩性，罕有的穿上高踭鞋與Tube Dress，大晒女性化一面，讓擔任男主角的Square成員James也坦言被迷倒，他說：「平日喺活動上面見到Eunix都係比較男仔頭，今次好似係第一次見佢着裙！」
甚少打扮性感的Eunix也不禁說：「平日自己形象係比較硬淨，首歌雖然叫《男孩一次》，不過同事見到我着得咁性感，都笑我係『女孩一次』，真係激死人！」
大玩姊弟戀
拍攝當日陽光普照，加上Eunix與James要貼身拖手兼緊抱，兩人亦大汗疊細汗，連妝也差點被曬溶，不過兩人相當專業，甫開機即投入劇情中，Eunix說：「初初都有啲尷尬，因為兩個人要拍到好埋，仲要深情對望，不過好彩James係好戲之人，佢交戲畀我，我咪交番畀佢囉！」
另外，Eunix在MV中還有另一位八歲大的「男朋友」，實行大搞姊弟戀，Eunix說：「第一次同小朋友合作拍MV，感覺好特別！」