黎耀祥賣身無綫博攞視帝

無綫食髓知味，再集齊《巾》劇演員班底，開拍同劇種新劇，但為求新鮮感，正考慮開拍時裝版，造就「柴九」和「四奶奶」成為現代潮流人物。黎耀祥得悉公司開拍《巾》別注版，開心到震：「原班人馬就更好，因為呢個班底好難遇到，我視雯女係勁爆火花嘅好對手，不過，爭視帝呢……我覺得都係講啫！係公司重視個劇，成績唔係我個人，係成個劇嘅功勞。」而身在內地的雯女，則未能聯絡得上。

陳志雲出面搵贊助

「柴九」為無綫爭回不少面子，兩大巨頭副行政總裁梁乃鵬及總經理陳志雲亦很識做，梁乃鵬自掏腰包請《巾》劇全體演員食飯外，陳志雲亦親自出馬搵贊助，成功舉行今晚的《巾幗梟雄會》三小時結局派對。對此，祥仔坦言無以為報，要報的話，就是願意簽無綫經理人合約：「我覺得無綫係一個好機構，老闆可以唔幫我做呢啲嘢，所以我都疊埋心水賣身TVB，我唔抗拒簽經理人合約，二十年都冇所謂。」

另外，《巾》劇大結局，將於今晚一連播出兩集，劇情講述柴九趕回無錫找尋寶琦，其後遇到正在逃走的彭鏗，彭鏗誤導柴九到咯血病人的集中地尋找，結果因此患上咯血病，但最終亦能找到受傷昏迷的寶琦，更即時抱她到白朗神父處醫治。

白朗大夫向獄中的寶琦指柴九為救她而患上咯血病，寶琦為見他一面，不惜應承林知府畫押認罪。為營救寶琦，必正召集無錫居民簽萬言書，芳不欲正冒險而在清晨帶萬言書離開。其後寶琦獲釋放三日與家人見面，她回家時發現芳為了送萬言書而被太平軍炮彈炸死，傷心不已。此外，敢言的雯女接受《志雲飯局》訪問時，承認曾戀有婦之夫，但談到舊愛萬梓良，她說：「我視佢亦師亦友亦父，唔覺佢大脾氣，係好Man。」