憑34D紅透動漫界的「動漫Maggie」李曼筠，今年被「E娃兵團」不停狙擊，最終她也按捺不住反擊，受訪時暗寸有人「打假波」！
最近口靚模界競爭激烈，近日一班「廚房妹」不斷利用緋聞、是非及身材搶上位，令原本甚為吃香的李曼筠聲勢大減，34D頓變無用武之地，她無奈地說：「我不嬲都唔鍾意同人爭，只係做好自己本分就算，是非就更加唔會理。」雖然李曼筠被迫「安分守己」，但眼見擁有E Cup身材的鍾蕙芝、劉欣宜與椋名凜「峰」湧博上位，令她終於按捺不住反擊：「每個人都各有自己嘅特色，身材係天生，除非係假波！（暗示圈中有人『打假波』？）千祈唔好咁講，我只係話假設啫。（咁你係真定假？）我就梗係堅啦！」
最敬重舒淇
提到誰是心目中的「性感女神」，李曼筠坦言舒淇是最佳人辦：「好欣賞舒淇咁有女人味，眼神充滿嫵媚。（學佢拍三級片？）咁我又冇諗過！」對於口靚模即將在書展爆發寫真戰，她表示今年要避「峰」頭，明年才再出擊，更揚言會以三點式躺在最愛的士多啤梨上擺甫士任影，但現時要先積極收身。
E娃圍攻搶上位
椋名凜（Rin）
憑「日版Paris Hilton」之名殺入香港娛樂圈，她雖是富貴千金，但近日頻頻展示35E激凸身材，更半裸行騷博上位！
劉欣宜（E Cup Baby）
擁有34E的她在上年動漫節「峰」芒盡露，加上招牌甜笑，成功贏得萬千電車男喜愛，近日接騷做到冇停手。
鍾蕙芝（Lavina）
以34E殺入模界，在新一輯《美女廚房》跌蕩登場，網民紛紛要求收藏其性感相集，她更曾在網誌內發放誘惑言論！