電影《矮仔多情》演員王祖藍、徐子珊、黃婉伶（Race）及賈曉晨（JJ）前晚出席煞科宴，唯獨Angelababy因拍廣告而缺席。各人趁煞科互送禮物兼大玩不文，Race大爆戲中以超性感姿態跳艷舞，但祖藍卻睇到瞓着覺，Race說：「真係懷疑你嘅性取向！」隨即拿出超大型「偉哥」送給他，更指他某些地方要增高，祖藍說：「嗰啲唔係叫高度！」語畢即拿出一支油送給JJ，JJ尷尬地問為甚麼要送「神油」給她，祖藍更正只是按摩油。
另外，祖藍剛由加拿大傳福音返港，他透露期間患病：「喺嗰邊喉嚨痛、發燒兼流鼻水，有睇醫生，佢開枇杷膏畀我喎！」為免傳染別人，他全程戴口罩出現，同時亦取消握手擁抱環節。
