本文重點
黃秋生、陳志雲、謝天華及黎耀祥主演的新片，成為城中熱話，連Laughing嫂一角花落誰家，亦引來不少揣測！有傳無綫四位花旦包括陳法拉、廖碧兒、徐子珊及鍾嘉欣成為大熱！ 文：影視組
新片《LAUGHING GOR之變節》中Laughing嫂一角由誰擔任，電影公司一直保持神秘，未有洩漏半點口風！據知，無綫方面希望起用公司花旦，將這個有發揮的機會留給自己人，不假外求，故不少公司女藝員先後參與試鏡，包括徐子珊、鍾嘉欣、陳法拉及廖碧兒亦榜上有名，而口靚模界人氣高企的周秀娜及華姐冠軍苟芸慧亦有緣試鏡。
記者聯絡導演邱禮濤，他表示近日同時間拍攝另一部電影，工作忙碌，未有時間參與甄選女角，但承認見過十多位面試女星，但仍未決定由誰來擔演Laughing嫂。
徐子珊贏面唔大
另外，無綫總經理陳志雲昨日出席公開活動，問到Laughing嫂由誰擔演？他說：「真係未知！（徐子珊、周秀娜有份？）佢兩個係見過，但成數唔高。（要選美出身？）未必！我哋希望係生面口，未做過嘅，呢兩日應該拍板落實。（你意願係邊個？）我唔敢講呀！講咗出嚟人哋唔演，我咪好冇面。」他表示亦要與導演邱禮濤研究，要互相尊重，加上希望聽取網民的不同意見，自己亦有待了解。