超儀拒借保鏢：着防彈衣啦

陳冠希（Edison）日前秘密返港，原來何超儀一早收到消息！超儀昨日與張繼聰及at17出席Kiehl's慈善T-shirt義賣活動時，起初還扮不知情說：「係咩？」後來才承認早知對方返港，但一直未知確實日期，更表示雙方一直以SMS保持聯絡。問到會否擔心對方安危？她說：「有我喺度就冇嘢啦！（叫賭王老竇借保鏢同防彈車畀Edison？）叫佢着防彈衣就得啦！乜我老竇真係同人講自己架車有防彈呀？」她表示近日轉投Edison的經理人公司，兩日後會與對方開會，傾談工作事宜。