本文重點
「柴九」黎耀祥憑《巾幗梟雄》人氣急升，昨日他逛街巿，街坊大讚「柴九哥」好戲又靚仔。祥仔期待後晚與觀眾見證柴九轟烈的一生，更希望收視超越《大長今》！
柴九昨日逛商場及街巿時，被讚好戲，年輕Fans爭相向他索取簽名及合照，有位拖着太太的男Fans說：「我老婆係你Fans，晚晚提早個幾鐘食飯，趕住睇你呀！」有檔口老闆娘表示每晚收檔趕回家追劇情：「四奶奶（鄧萃雯飾）使唔使死呀？」祥仔笑說：「四奶奶唔死，佢點死得呀！」期間不忘叫Fans睇大結局，希望最高收視有51點，破《大長今》紀錄！
拒拍前傳或續集
問到現時有否飄飄然的感覺，祥仔說：「冇！呢啲一過就冇！可能喺呢行睇得太多，有啲唔實在，以前拍《西遊記》嘅豬八戒同《樂壇插班生》嘅籮記（羅文）都大受注目，可能今次係主角，注意力放咗喺我度，但我比較享受拍攝過程。」有份拍攝電影《Laughing哥之變節》的他，問到會否想孭飛拍戲時，他說：「拍過幾年電影，孭飛又孭過，演員最大收穫係經驗。（有信心攞視帝？）從來唔奢望，公司都有出糧畀我！呢啲要等上天安排，就好似六合彩咁。」祥仔坦言期待後晚與電視迷一同欣賞大結局，見證柴九的一生，但他不想拍柴九前傳或續集：「柴九一生最有意義就係咁嘅結局。」而「四奶奶」鄧萃雯昨日收到查小欣的短訊，指收視升了四點，雯女表示全賴天時地利人和，她只想好好演戲回報觀眾。
另外，《巾》劇本周五播大結局，無綫不容有失決定變陣，播足三個小時，力撼亞視52周年台慶，亞視決定加碼請來台灣惹火尤物瑤瑤跳舞助興。《巾》劇今晚劇情講述四奶奶被大奶奶迫害，令四奶奶被太平天國師帥收監，柴九設法救她及指證彭鏗。四奶奶收監前將鎖匙交給必正掌管蔣家，大奶奶則繼續搞事。