樂壇天王郭富城昨日出席代言手錶活動，談到獲前緋聞女友藤原紀香在Blog上讚弗，風騷的他表示不知情。早前兩人在港晚餐時引起追訪，城城只說朋友晚飯很正常，並自爆二月曾到日本欣賞紀香的音樂劇，為自己2011年的音樂劇取經，但因女主角要講流利廣東話及普通話，故斷言不會邀紀香演出，亦沒有考慮緋聞女友熊黛林（Lynn）：「交畀製作公司。（推薦？）唔會自己揀！」
對於有傳經理人小美落力促成與紀香火速復合，城城說：「傳聞仲使答？唔係真實。（Lynn呷醋匿埋？）我唔知喎，朋友食飯好平常，有時我同Lynn食飯，你哋睇唔到啫！（女仔唔應該呷醋？）男女都唔應該！」問城城大方是否擇偶條件之一，他乘機為代言品牌賣廣告：「冇諗咁複雜，要入得廚房出得廳堂，最緊要鍾意浪琴！」