昨日楊千嬅、張震、Amanda S.與Lisa S.到珠海出席《第五屆Audi Driving Experience高級駕駛體驗》活動，還親身落場在泥地上玩賽車，大叫好玩。擁有跑車的千嬅表示想買房車接載家人，被問到有否載過緋聞男友丁子高？她說：「佢有！不過我唔係亂畀人上車。（丁生好放心？）我答唔到你。（係咪結婚？）我從來都唔恨嫁，亦冇人求過婚。」她還表示愛揸開篷車，從未被人認出，但自爆曾於鬧市錯認陳奕迅：「我去拍佢膊頭，先知認錯人！（你哋拍過拖喎？）我都覺冇可能，咁都錯唔好提！」
張震雖然「手車」甚辣，但接載Lisa S.及Amanda S.時突然被泥卡着，十分狼狽。事後，他表示最近積極練功夫：「我冇功夫底，要由零開始，所以冇諗過拍功夫片！拍功夫片同文藝片真係好唔同，一個鏡頭要拍好多次。」