（口靚）模Angelababy昨日前往拍廣告時會見傳媒，開腔反擊被兩本雜誌指與陳偉霆（William）鬧翻分手，以及同公司混血兒男模James到酒店房談天的報道！Angelababy直斥兩本周刊都作假：「完全係笑話一則，全部都係假，冇一點係真。」她透露與William看到有關報道後依然有講有笑，謠言不攻自破。她又強調從未與James出埠工作，亦冇佢聯絡電話！」提到James時，Angelababy大讚對方靚仔，但較喜歡中國人。
問到是否avex不准拍拖，Angelababy說：「合約冇寫呢一點！」她又澄清與William的關係：「一直係好朋友。（點解唔公開？）工作為主，唔想大家嘅注意力轉移去緋聞度。（幾時公開？）如果有拍拖，遲啲講畀大家知。」其經理人Kim亦表示，有雜誌向Angelababy做訪問時，提出的問題有「裝彈弓」之嫌。此外，Angelababy和William分別首次與手錶品牌Chouette合作的限量版腕錶正式曝光，並即將於本周上架。
