傅穎否認被Out努力洗底

傅穎前晚出席時裝品牌A.P.C.開幕活動，同場還有獲金牌大風新任CEO陳輝虹點名力讚的樂隊RubberBand、Mr.、方珈悠及余文樂等。未知Theresa是否因被指「淨係識露腿」而收起招牌可愛短裙，以密實打扮現身。對於陳輝虹日前表示Theresa要時間「執吓」，Theresa笑說：「『執吓先』係佢嘅口頭禪，嗰篇報道仲話我要轉行，其實我一直都係多方面發展。我知做錯一次好難抹得甩，希望有時間畀人睇到我有好大進步。（公司要你遲啲先出碟？）係一齊決定，好多歌手都係一年一碟，我已經比其他人多。」

方珈悠和陳柏宇都前來偷師。

余文樂前晚低調現身，拒絕接受訪問。

她否認公司放棄其歌唱事業，並透露將到廣州參與大型音樂活動：「仲會做書嘅宣傳，年底又有電影。（唔會公開唱歌？）唱歌會有，不過最近都係去廣州嗰次，我知走音會令人覺得我唱歌好負面，所以會努力洗底。」

不眼紅鄧麗欣

問到是否獲公司承諾再出碟，Theresa說：「唔知係唔係承諾，但係有講過年底或出年年頭出，我要克服壓力先，出第三隻碟嗰陣，成日覺得下面啲人等你走音！」

對於同樣被指走音的「死敵」鄧麗欣依然有碟出，她說：「唔會特別眼紅，每個藝人都有機會出。（針對你？）我唔介意，只係希望成為Past Tense（過去式）。」而向來與I.T老闆沈嘉偉友好的樂仔突然現身活動，但只逗留十多分鐘便速閃。