播放本新聞相關短片

被影射召妓鄭嘉穎唔抵

鄭嘉穎與楊怡昨日為新劇《鐵馬尋橋》拜神，對於有雜誌指男藝人召妓，鄭嘉穎無奈地說：「話咗唔係我，都擺我張相上去封面，冇辦法，多嫌疑犯會熱鬧啲，報道話嗰個人係住港島區、有司機接送，一定唔係我，對我冇影響，只係多個封面。（有冇去過召妓？）冇！咁都畀人講，真係唔抵！」

另外，楊怡擺出俠女甫士影相時雞手鴨腳，她透露在劇中負責生仔，與小朋友有不少對手戲：「以往好驚小朋友喊，有次坐飛機個小朋友不斷喊，真係好煩！不過榮升阿姨之後，母愛出晒嚟，多咗耐性。」

緋聞男女馬國明與胡定欣大方合照。
  • 緋聞男女馬國明與胡定欣大方合照。
李詩韻（左）大讚胡定欣演技出色。
  • 李詩韻（左）大讚胡定欣演技出色。