Lavina 冇底線

每集《美女廚房》都安排兩位「廚房妹」參賽，憑34E上圍跌蕩登場的「E Cup廚房妹」Lavina，不但令評判看到眼都唔眨，更獲一班宅男垂青，早前她在Jacso網站撰寫一段「看見我的衣服還是濕的嗎？」的誘惑言論，迅即成為網絡大紅人！問到會否擔心成為性幻想對象，她笑笑口說：「哈！冇諗過，我份人好真，冇諗過誘惑人，但嗰日做嘢落緊雨，真係整到件衫濕晒，可能咁樣令人有聯想。」

Lavina盡得媽咪遺傳，擁有一條小蠻腰。

自小飲木瓜奶豐胸的Lavina，對驕人上圍信心十足。

偕師姐出寫真

為答謝一班支持者，Lavina每次拍水着照都搏到盡，谷胸、拗腰、瞓身完全冇問題，她笑說：「有網友搵咗一個疑似我嘅AV女優嘅露點相出嚟，其實我冇影過，可能因為我做Model冇耐，唔係放太多相上網，佢哋就搵咗啲唔正經嘅相出嚟解吓渴囉！」為了讓Fans止渴，她計劃與師姐Rainbow（胡心諾）在7月推出寫真集，而且性感冇底線：「夏天着比堅尼好正常，最好梗係去外地拍啦！我冇Set底線，背部全裸都得，最重要係出嚟效果靚同唔俗氣，健康性感冇問題。」

Lavina的寫真集不設底線，只要健康性感便OK。

放大圖片

對於外間只留意她的E Cup上圍，Lavina大方表示不介意：「我覺得每個人都有賣點，有人評論同記得，我已經好開心。（最滿意自己邊部分？）好多人覺得我胸部夠大，但我最鍾意係條腰夠瘦，呢樣係媽咪遺傳，加上發育時期飲木瓜奶，真係有效！」

鄭中基眼甘甘

與Rainbow同是「美少女廚神」的鍾蕙芝（Lavina），原來是同公司的同門姊妹，Lavina在《美女廚房》大晒E Cup身材，更令節目主持鄭中基睇到目不轉睛而成為熱話。早前網上曾流出疑似Lavina的走光性感照，雖然她已作出否認，卻因禍得福，贏得話題之餘，在網上亦人氣高企！