張文慈：唔清楚件事，第三者有冇做過都應該出嚟面對，如果佢做得出應該要面對！（公司冇幫佢？）公司做好多嘢都估佢唔到，不願置評。原來個世界好多第三者，係道德問題，最緊要唔好傷害別人為原則。（曾被第三者介入？）好耐之前被人介入過，仲要捉姦在床，我清醒晒，即刻執嘢走講Bye ！
張學友：係家庭悲劇，希望大家做事前諗清楚後果，唔好太衝動，自己會借呢件事作警惕。（試過行差踏錯？）咁危險嘅嘢唔好做，輸唔起！（飛來蜢埋身？）我都人老珠黃，去邊度搵飛來蜢！
陳法拉：唔清楚件事，亦冇試過被人介入，如果有呢啲事發生一定分手，因為三方都唔會有好結果，冇好結果最好唔好開始。
玄學家吳佩孚：離開是非地，磁場改變係會好啲，不過如果佢對得住天地良心同埋清白，佢就唔應該走，應該要面對囉！