吳亭欣為緋聞避走美國，有傳她在蔣麗萍安排下，得到息影女星王小鳳照顧，暫住在其洛杉磯的寓所。本報聯絡身在洛杉磯的王小鳳，她否認收留吳亭欣，但其後又承認早在吳亭欣到美國讀書時已認識對方，她覺得吳亭欣單純，認為今次事件是細路女不懂事，希望大家給予吳亭欣機會講清楚。對於吳亭欣被指介入別人家庭，王小鳳說：「個個人講嘅版本都唔同，吳亭欣唔係咁嘅人，後生女識多個男人唔係大問題，但個男人諗咗第二樣嘢。佢唔識點處理，處於弱勢，大家已判佢有罪。發生咁多事，點解要啲女人面對？個男人唔出嚟講？身為男人要承擔，連自己老婆都搞成咁，我係吳亭欣朋友，梗係幫佢講番啲嘢。」
對於有朋友擔心王小鳳有個超正老公，收留吳亭欣會否有「危險」，王小鳳說：「唔相信我老公同吳亭欣係咁嘅人，我大過佢一倍時間，有咩事識處理。」記者向蔣麗萍求證安排吳亭欣入住王小鳳家一事，她聞言即感激記者向她求證，但否認曾作出有關安排，又表示不認識吳亭欣。另外，亞視高層葉家寶透露吳亭欣請假至月底，對於吳的負面新聞，葉指會待吳返港後向其了解再作處理，暫未有任何處分。
王小鳳（47歲）
代表作：86年憑《錯點鴛鴦》奪第5屆香港電影金像獎影后，同年拍露點寫真，往後曾拍《殭屍先生》等系列，有「鬼后」稱號。
現 況：90年閃電下嫁電腦商人許立信，其夫曾於04年，將公司約5.7億港元的純利分給旗下144名員工，成為美國勞工界佳話，許更被封為「絕世好Boss」！