Sun Ball：Marc Jacobs著裙出事食閉門羹

名設計師Marc Jacobs繼前晚出席酒會後，昨晨舉行記者會，會見50位來自世界各地的傳媒，分享時裝、藝術甚至減肥心得，期間他透露為何穿裙及自爆前晚着裙出事，他說：「上年8月，我放完假返紐約工作室做設計，忙到冇時間買衫，呢條Comme des Garcons裙係朋友幫我買，我好鍾意！不過我尋日着住呢條裙去China Club，佢哋唔畀我入去！」幸好最終他仍由友人開路解圍，成功入內。他更自爆男友Lorenzo Martone在紐約與他築愛巢，Marc說：「我想有間屋喺紐約，依家已經裝修緊，我同佢一齊揀屋，一齊買傢俬，一齊搵設計師！」

作風前衞的Marc Jacobs連續兩日均穿上裙子騷小腿。	放大圖片	周汶錡（左）及戴凱欣齊齊以短裙Look亮相。

Amanda S.直落開P

至於China Club的發言人則表示，會所一直禁止男士穿短褲入內，前日因誤會Marc哥着短褲才拒諸門外，事後才發現對方原來穿裙，而男士着裙則與女士一視同仁。

Amanda S.與男友於活動完結後，轉場繼續夜蒲。	Kee Club太子女龍殿兒以斜膊晚裝示人。	前晚LV酒會場面盛大，賓客眾多。

此外，前晚藝術展開幕酒會完畢後，大會在半島頂樓的餐廳設宴，部分嘉賓更直落再到中環Kee Club參加派對，包括Amanda S.、楊其龍、榮文蔚及葉梁美蘭等。至於TVB監製錢國偉前晚亦帶同藍莓等美味天使於附近路過。